4款乳清蛋白粉牌子推薦香港2023(附購買連結)
健身前後如果冇攝取足夠蛋白質，等同浪費整個健身過程，因為身體根本冇足夠原料去修補肌肉同增肌。蛋白質雖然可以喺日常飲食中獲得，但你要食好多好多嘢，先可能攝取足夠需要嘅蛋白質，所以差唔多每個操肌嘅人都會飲蛋白粉，特別係乳清蛋白粉(Whey Protein)，即係俗稱嘅健身奶粉，勝在方便而且蛋白質含量夠多。
如果你都想試吓飲乳清蛋白粉，但又唔知邊隻好或者邊度買，咁就要留意呢一篇文章，下面我哋會講解吓有邊啲較出名嘅乳清蛋白粉牌子，以及香港買到呢啲乳清蛋白粉嘅渠道。
Optimum Nutrition Gold Standard 100% 全乳清蛋白
介紹
Optimum Nutrition喺健身界入面應該算最多人識嘅蛋白粉牌子之一，講緊唔止香港多人用，喺外國都非常出名。Optimum Nutrition成立於1986年，總部位於美國伊利諾伊州，出名嘅原因係靠優質及可靠嘅產品而贏得口碑，產品經過嚴格嘅品質控制同測試，以確保產品嘅純度及功效。
Optimum Nutrition擁有多種健身補充產品，包括蛋白粉、BCAA、Pre-Workout等，最多人選擇用佢嘅Gold Standard 100% Whey，金裝標準100%全乳清蛋白粉，優點係包含較容易被身體吸收嘅分離乳清及乳清肽，食一個建議份量包含24克蛋白質，包含豐富嘅5.5克天然BCAA及11克天然氨基酸(EAAs)，有效於修補肌肉，而且好多味道選擇！
呢個牌子實在太出名，所以價錢會貴少少，不過要留意，坊間有唔少人用山寨貨混水摸魚，所以見到某啲地方賣平一兩嚿都唔好貪平，好大機會係假貨。
ALLMAX AllWhey乳清蛋白粉
介紹
Allmax Nutrition係一個2002年成立於加拿大嘅牌子，總部位於加拿大安大略省，相對其他著名品牌雖然品牌歷史較新，但用咁短時間變到全球性咁知名都證明呢個牌子唔惹少。Allmax Nutrition嘅產品種類相對齊全，淨係乳清蛋白粉都細分咗好幾款，各款乳清粉有唔同配方，適合唔同運動目標嘅人選用。例如成份由最好開始、價錢高至低去計，分別有：
- 100%全分離乳清蛋白粉嘅ISOFLEX
- 多分離乳清+少濃縮乳清嘅Gold AllWhey
- 少分離乳清+多濃縮乳清嘅AllWhey Classic
如果要揀最抵飲嘅乳清蛋白粉，Allmax Nutrition AllWhey Classic絕對係必選之一，特別係朱古力味都曾經係小編最喜愛嘅，真係超似真朱古力奶，超級好味道，食一個建議份量有30克蛋白質。
California Gold Nutrition全分離乳清蛋白粉
介紹
California Gold Nutrition（簡稱CGN）喺2013年成立，總部設於美國加利福尼亞州南部，係國際化知名營養補充品網站iHerb 嘅自有品牌之一，致力於提供高品質及天然嘅營養品，佢哋嘅產品都選用天然原材料，而且全部產品出廠前均會經實驗室進行產品驗證安全。
呢個牌子唔只淨係出運動補充劑，基本上所有營養品都有齊晒，例如益生菌、魚油、維他命等等，亦係少數有出植物蛋白粉 SPORT Plant-Based Protein嘅牌子。California Gold Nutrition出名嘅原因除咗產品質素高，價格平都係絕大優勢，例如佢哋嘅100%全分離乳清蛋白粉，每個建議份量有27克蛋白質，包含6.1克天然BCAA，價錢平其他牌子1/3，用人哋濃縮乳清嘅價錢就買到CGN嘅分離乳清，重點係天然，所以經常賣到斷貨，有機會見到有貨一定要買嚟試吓。
MuscleTech NitroTech 乳清蛋白粉
介紹
MuscleTech總部位於美國俄亥俄州，成立於1995年，係一個單純以運動為目標嘅營養補充劑品牌，佢哋嘅社交宣傳做得特別好，經常同外國好多專業運動員同健身愛好者合作，為佢哋提供MuscleTech產品，藉此嚟證明佢哋嘅產品質素。
佢哋啲乳清蛋白粉嘅營養成份特別勁，例如最抵食嘅NitroTech Whey Protein乳清蛋白粉，每一建議份量有30克蛋白質，包含超多6.7 克支鏈氨基酸，亦係少數含肌酸(Creatine)嘅蛋白粉，每一份量有3克肌酸，一般人每人攝取3克至5克就足夠，雖然係人工添加落去，但唔需要額外買肌酸同BCAA嚟食，真係超值。
Leave feedback about this
很抱歉，必須登入網站才能發佈留言。